Доколку го следевте претходниот артикл за тоа како да отворите онлајн продавница, веќе треба да имате постоечка продавница со барем еден производ. Во овој артикл ќе ви демонстрираме како еден ваш корисник би ја користел онлајн продавницата, од пребарување на производи, регистрација, се до порачка и плаќање за истата.
Со цел да ви прикажеме малку покомплетна продавница, ќе ја користиме нашата демо продавница, која е многу слична во функционалност со која било la.mk онлајн продавница.
Кога ќе ја посетите продавницата (во случајов demo.la.mk), ќе бидете пречекани со слоганот на продавницата, банер (доколку имате поставено), листа на сите категории на производи кои ги нудите, и неколку други сетови на производи (најнови производи, производи на попуст, итн).
Во горниот дел од страната има неколку елементи за полесно користење на онлајн продавницата. За почеток е делот за пребарување, кој поддржува пребарување на кирилица и латиница, и ќе ги излиста најрелевантните производи за тој термин. Покрај делот за пребарување, корисниците можат да ги прегледаат сите производи кои ги нудите, страна каде можете да објаснете повеќе за вашиот бизнис, корпата со производи, и пристап до сметката на корисникот (овој дел ќе го разгледаме во повеќе детали понатаму во овој артикл).
Веднаш под главниот дел за навигација имате листа на сите категории кои ги имате една продавница, и неколку сетови на производи, како што напоменавме. Сетовите на производи кои што се прикажани можат да се контролираат преку администраторскиот панел.
Како што ја разгледувате страната, имате неколку одбрани категории, и неколку сетови на производи се прикажани на неколку различни начини, од каде што вашите корисници ќе имаат можност да добијат идеа за асортиманот на производи кои го нудите.
Во најдолниот дел на продавницата се прикажани вашето лого и контакт информации преку кои вашите корисници можат да ве контактираат. Исто така, автоматски се генерирани сите потребни легални документи со цел да сте усогласени со релевантните закони за онлајн продажба. И за крај, корисниците имаат опција да го променат јазикот на страна (моментално поддржуваме Македонски и Англиски јазик).
Откако ги објаснивме основите на онлајн продавницата, време е да поразговараме кои се чекорите кои вашите корисници треба да ги следат за да направат порачка.
Да речеме дека корисникот сака да купи леќа од онлајн продавницата. Во делот за пребарување пишува „леќа“ (или „leka“, резултатот ќе биде ист), и на корисникот му е прикажана листа со сите релевантни производи (во случајов има само еден). Доколку има повеќе производи, корисникот може да го промени подредувањето, и да филтрира по цена за да го добие само оние производи за кои е заинтересиран.
Кога корисникот ќе кликне на производот, ќе му биде прикажана страна со детали за тој производ, како опис, единица мерка, варијанти, и слично, од каде што може да ја одбере количината и да го додаде производот во корпата. Кога производот е додаден во корпата, корисникот може да продолжи со пазарење, на пример на ист начин да додаде банани во корпата, и може да продолжи кон преглед на производите во корпата и да ја заврши порачката.
Наредниот чекор е да се прегледа корпата, и доколку корисникот е задоволен со листата и количина на производи, може да продолжи кон каса, со што ќе може да ја заврши порачката. Но пред корисникот да продолжи кон каса, потребно е да отвори сметка на онлајн продавницата.
Со цел еден анонимен корисник да направи порачка на вашата страна, потребно е да се регистрира. Корисниците можат да се најават или регистрираат во кој било момент при користењето на онлајн продавницата преку иконата што се наоѓа во горниот дел од менито, или во моментот кога ќе притиснат „На каса“ од нивната корпа.
Во прозорецот кој ќе се појави потребно е да се внесат само електронска пошта и лозинка (лозинката може да се ресетира во кој било момент доколку ја заборават).
После самото регистрирање или најавување, корисникот ќе ги има зачувано производите кои ги додал во неговата корпа, и може да продолжи кон завршување на порачката. На наредната страна, корисникот може да го одбере начинот на плаќање (на демо продавницата не е подесено плаќање со картичка, но е достапна како опција), и адресата каде што треба да се испорачаат производите.
Корисникот треба да додаде адреса каде што сака да се достават производите, и може да ја именува истата. Можно е да се додадат повеќе адреси, така што на пример корисникот може да одлучи дали производите ќе бидат доставени на нивната адреса, или пак кај некој пријател како поклон.
После додавањето и избирањето на начинот на плаќање и адресата, преостанува корисникот да ја потврди порачката, со што порачката е успешно направена. Доколку корисникот избрал плаќање со картичка, ќе се појави прозорец преку кој ќе се внесат информациите за платежната картичка, и само доколку плаќањето е успешно порачката ќе биде финализирана.
Тоа е се што е потребно да се направи една порачка преку некоја од продавниците направени преку la.mk. За крај, на кратко ќе објаснеме како корисниците можат да го следат статусот на една порачка, и како можат да ги прегледаат претходно направените порачки.
Секој корисник на онлајн продавницата има пристап до низа поставки, како што се додавање адреси за достава, добие преглед на претходните порачки и слично.
Една од поважните функционалности во овој дел е историски преглед на сите порачки направени на онлајн продавницата. Корисникот има преглед на сите порачки, вклучувајќи го статусот на порачката, вкупната сума, цената за достава, адресата за достава, и слично.
Исто така, корисникот може да има подетален креглед на една порачка, како визуелен преглед на статусот, листа на секој производ во нарачката, количина и цена за секој производ, и слично. Покрај ова, корисникот од страната
Во овој артикл ги опфативме главните функционалности кои ги поддржува една продавница направена преку la.mk. Има функционалности кои не ги објаснивме со цел да го направиме и вака долгиот артикл пократок, а има и многу кои ќе се додаваат како што ја развиваме платформата понатаму.
Се надеваме дека ве убедивме дека la.mk го нуди најлесниот и најевтин начин да направите модерна и брза онлајн продавница во Македонија, и ве чекаме да ни се придружите.